Təfərrüatlar əlavə olunub (ilk xəbər saat 15:35-də yayılıb)
Bakı. Trend:
Əfqanıstanın paytaxtı Kabulda etiraz aksiyası zamanı baş vermiş partlayış nəticəsində ölənlərin sayı 80 nəfərə çatıb.
Trend-in məlumatına görə, bu barədə Əfqanıstan Daxili İşlər Nazirliyinin bəyanatında deyilir.
Yaralıların sayı isə 231 nəfərə çatıb.
X X X
16:46
Əfqanıstan paytaxtında etiraz aksiyası zamanı baş vermiş partlayış nəticəsində ölənlərin sayı 61 nəfərə çatıb.
Trend-in məlumatına görə, bu barədə Əfqanıstan Səhiyyə Nazirliyinin bəyanatında deyilir.
X X X
15:35
Kabulda baş vermiş partlayış nəticəsində ən azı 20 nəfər ölüb.
Trend-in məlumatına görə, bu barədə "Reuters" Əfqanıstan Daxili İşlər Nazirliyinə istinadən xəbər verir.
Hadisə zamanı onlarla insan xəsarət alıb.
"Tolo" telekanalının məlumatına əsasən, partlayış Dehmazanq rayonunda elektrikötürücü xəttin tikintisi ilə bağlı keçirilən etiraz aksiyası zamanı baş verib.
Partlayışın intiharçı tərəfindən törədildiyi iddia olunur.
Telekanal iki partlayışın baş verdiyi barədə xəbər yayıb, lakin bu məlumat təsdiqini tapmayıb.
