Bakı. Rufiz Hafizoğlu - Trend:
Türkiyə keçmiş Baş nazirinin müavini Bülənt Arınçın qohumu Ziya Tay Gülən hərəkatı ilə əlaqəsi olduğu üçün vəzifəsindən azad edilib.
Trend-in "Hürriyət" qəzetinə istinadən verdiyi məlumata görə, Z.Tay 14 il Səhiyyə Nazirliyinin Manisa vilayətindəki nümayəndəliyinin rəhbəri vəzifəsini tutub.
Qeyd edək ki, Türkiyədə iyulun 15-dən 16-na keçən gecə dövlət çevrilişinə cəhd edilib. Hadisədə 246 nəfər ölüb, 2000-dən çox insan xəsarət alıb.