Bakı. Rufiz Hafizoğlu - Trend:
Türkiyənin xarici işlər naziri Mövlud Çavuşoğlu Qırğızıstanda Fətullah Gülən tərəfdarlarının iştirakı ilə çevriliş ola biləcəyini istisna etməyib.
Trend-in "CNN Türk" telekanalına istinadən verdiyi məlumata görə, M.Çavuşoğlu qeyd edib ki, Qırğızıstanda çevriliş olarsa, onun arxasında Gülən hərəkatı dayana bilər.
Qeyd edək ki, Türkiyədə iyulun 15-dən 16-na keçən gecə dövlət çevrilişinə cəhd edilib. Hadisədə 246 nəfər ölüb, 2000-dən çox insan xəsarət alıb.