...

Rusiya və Ermənistan müdafiə nazirləri Yerevanda danışıqlar aparıblar

Dünya xəbərləri Materials 16 Avqust 2016 13:30 (UTC +04:00)
Rusiya və Ermənistan müdafiə nazirləri Sergey Şoyqu və Seyran Ohanyan Yerevanda danışıqlar aparıblar.
Rusiya və Ermənistan müdafiə nazirləri Yerevanda danışıqlar aparıblar

Bakı. Elçin Hüseynov - Trend:

Rusiya və Ermənistan müdafiə nazirləri Sergey Şoyqu və Seyran Ohanyan Yerevanda danışıqlar aparıblar. Bu barədə Trend TASS-a istinadən xəbər verir.

Təfəflər Cənubi Qavqaz regionunda təhlükəsizlik və ikitərəfli hərbi əməkdaşlıq məsələlərini müzakirə ediblər. S.Şoyqu bildirib ki, ikitərəfli əməkdaşlıq planı genişdir və "regionda baş verən hadisələrin və dəyişən vəziyyətin fonunda daim inkişaf edir".

Nazir Rusiya Müdafiə Nazirliyinin ali məktəblərində ödənişsiz təhsil alan Ermənistan hərbçilərinin sayının artırılmasının mümkünlüyünü ifadə edib.

S.Ohanyan bildirib ki, Ermənistan və Rusiya hərbi əlaqələri Kollektiv Təhlükəsizlik Müqaviləsi Təşkilatı çərçivəsində dinamik inkişaf edir. O qeyd edib ki, müzakirələr zamanı regionda təhlükəsizlik məsələləri müzakirə olunacaq və əməkdaşlığın inkişaf istiqamətləri müəyyən ediləcək.

Məqalədə:
Xəbər lenti

Xəbər lenti