Bakı. Trend:
Almaniyaya gələn miqrant uşaqların təqribən 9 mininin harada olduğu məlum deyil.
Trend-in “Yeni Şəfəq” qəzetinə istinadən verdiyi məlumata görə, bu barədə Almaniya Federal Asayiş Dairəsi xəbər yayıb.
Dairənin məlumatına əsasən, 8 911 uşaq itkin düşüb. İtkin düşən uşaqların əksəriyyəti 14-17 yaş arasındadır. 867 uşaq isə 13 yaşdan kiçikdir.
Uşaqların cinayətkar qruplaşmaların əlinə keçməsi ehtimalı böyükdür. İtkin düşən uşaqlar daha çox Əfqanıstan, Suriya, Somali, Mərakeş və Əlcəzairdəndirlər.