Bakı. Trend:
Yaponiyada baş vermiş zəlzələdən sonra 7 afterşok qeydə alınıb. Vəziyyətlə əlaqədar meteroloqlar əhalini evlərinə qayıtmamağa çağırıblar.
X X X
Yaponiyada baş vermiş zəlzələ nəticəsində xəsarət alanların olduğu bildirilir.
Bu barədə Yaponiya KİV-ləri məlumat verib.
X X X
10:08
Yaponiyanın qərbində Tottori prefekturasında 6,6 bal gücündə zəlzələ baş verib. Bu barədə Trend RİA Novosti-yə istinadən xəbər verir.
Yaponiyanın Baş Meteoroloji İdarəsinin verdiyi məlumata görə, yeraltı təkanlar 10 km dərinlikdə baş verib. Dağıntılar, ölən və yaralananlar barədə hələ məlumat daxil olmayıb.
Sunamı təhlükəsi yoxdur. Təhlükəsizlik məqsədilə bəzi rayonlarda elektrik qatarlarının hərəkəti dayandırılıb.