İlk xəbər 24 oktyabr saat 23:45-də yayılıb
Bakı. Trend:
Pakistanın Kvetta şəhərində terrorçuların polis akademiyasına hücumu nəticəsində ölənlərin sayı 61 nəfərə çatıb.
Trend-in məlumatına görə, xəsarət alanların sayı 165 nəfərdir.
Bundan əvvəl ölənlərin 60, xəsarət alanların sayının isə 162 nəfər olduğu deyilirdi.
X X X
05:24
Pakistanın Kvetta şəhərində bir qrup silahlı şəxs tərəfindən polis kollecinə edilən hücum nəticəsində ölənlərin sayı 51 nəfərə çatıb. Bu barədə Trend TASS-a istinadən xəbər verir.
X X X
03:41
Pakistanın Kvetta şəhərində bir qrup silahlı şəxs tərəfindən polis kollecinə edilən hücum nəticəsində ölənlərin sayı 33 nəfərə çatıb. Trend-in "RİA Novosti"ya istinadən verdiyi xəbərə görə, terrorçuların hücumu zamanı ən azı 100 nəfər xəsarət alıb.
X X X
03:29
Pakistanın Kvetta şəhərində bir qrup silahlı şəxs tərəfindən polis kollecinə edilən hücum nəticəsində 20 nəfər həlak olub.
Trend-in "RİA Novosti"ya istinadən verdiyi xəbərə görə, terrorçuların hücumu zamanı 51 nəfər xəsarət alıb.
X X X
23:45
Pakistanın Kvetta şəhərində bir qrup silahlı şəxs tərəfindən 200-dən çox polis kursantı girov götürülüb.
Trend-in TASS-a istinadən verdiyi xəbərə görə, hadisə zamanı 7 polis əməkdaşının xəsarət alıb.