Bakı. Orxan Quluzadə - Trend:
Türkiyənin cənub-şərqində Hatay vilayətində PKK terror təşkilatı silahlıları ilə hərbçilər arasında baş vermiş atışma nəticəsində 3 hərbçi həlak olub, 1 nəfər yaralanıb. Trend bu barədə Türkiyənin "Haber 7" qəzetinə istinadən məlumat verir.
Qəzetin verdiyi məlumata görə, atışma zamanı PKK-nın 4 üzvü zərərsizləşdirilib.
Hadisə yerinə əlavə qüvvələr göndərilib.
Bundan öncə Türkiyə DİN ötən həftə ərzində 28 terrorçunun zərərsizləşdirilməsi barədə məlumat yaymışdı.