Ankara. Atilla Caner - Trend:
Ankara ilin sonunadək Türkiyənin Avropa İttifaqına qəbulu ilə bağlı danışıqların nəticəsini gözləyəcək. Nəticə olmayacağı təqdirdə bu məsələ xalq səsverməsinə çıxarılacaq.
Trend-in məlumatına görə, bu açıqlamanı Türkiyə Prezidenti Rəcəb Tayyib Ərdoğan verib.
Onun sözlərinə görə, Türkiyənin Aİ-yə qəbul olunması ilə bağlı referendum 2017-ci ildə keçirilə bilər.
R.T.Ərdoğan deyib ki, Aİ danışıqlar müddətini uzatmaqla Türkiyəni özündən uzaqlaşdırır.
Türkiyə Prezidenti bildirib: "Əgər Avropa İttifaqı Türkiyəni öz sıralarına qəbul etmək istəmirsə, bunu açıq deməlidir.”