Bakı. Trend:
İsrail ordusunun kəşfiyyat bölməsi Qolan təpələrində Suriya tərəfdən raket atəşlərinə məruz qalıb.
Trend-in Türkiyənin "Yeni Şəfəq" qəzetinə istinadən verdiyi məlumata görə, bunu İsrail ordusunun mətbuat katibi Aviçay Adree deyib.
Hərbi mənbələr bu hücumu İŞİD-ə bağlı "Yermuk şəhidləri" qruplaşmasının etdiyini və İsrailin döyüş təyyarələrinə Suriya tərəfdən atəş açıldığını bildirir.
İŞİD və İsrail arasında ilk dəfə qeydə alınan insidentdə İsrail tərəfinin itki vermədiyi, terror qruplaşmasının isə 4 üzvünün məhv edildiyi deyilir.