Bakı. Trend:
Misirdəki sirklərdən birində uşaqlar üçün təşkil olunan şouda dəhşətli anlar yaşanıb. Şirlərdən biri təlimçisinə hücum edərək onu ağır yaralayıb.
Trend Sputnik-a istinadən xəbər verir ki, uşaqların böyük maraqla izlədiyi şou qəfildən dəhşətli mənzərə ilə əvəzlənib. Şirlərdən biri gözlənilmədən təlimçi İslam Şahinə hücum edib.
Digər təlimçilər 35 yaşlı İslamı xilas etmək üçün özlərini irəli atsalar da onu şirin pəncəsindən ayırmaq çətin olub. Ağır yaralanan təlimçi yaxınlıqdakı xəstəxanaya çatdırılsa da, həkimlər onu xilas edə bilməyiblər.