Bakı. Trend:
BMT-nin baş katibi Pan Gi Mun şənbə günü İstanbulda törədilən terror aktını pisləyib.
Trend-in TASS-a istinadən verdiyi xəbərə görə, BMT-nin baş katibi terror qurbanlarının ailələrinə başsağlığı verib.
Qeyd edək ki, İstanbulun mərkəzi rayonu Beşiktaşda yerləşən Vodafone Arena sadionunun çıxışı yaxınlığında baş verən iki güclü partlayış nəticəsində 29 nəfər həlak olub, 166 nəfər isə yaralanıb. Ölənlərin 27-polis əməkdaşı, 2-si isə dinc vətəndaş olub.