İlk xəbər saat 09:57-də yayılıb
Bakı. Trend:
İŞİD terrorçularının Suriyanın Əl-Bab bölgəsində Türkiyə hərbçilərinə hücumu nəticəsində ölən və yaralananların sayı artıb.
Trend-in "Hürriyyət" qəzetinə istinadən verdiyi məlumata görə, atışma nəticəsində 4 türk hərbçi ölüb, 15-i yaralanıb.
Türkiyə qırıcıları tərəfindən İŞİD-in 24 döyüş mövqeyi vurulub, 40-dan çox terrorçu zərərsizləşdirilib.
X X X
13:21
Suriyada terrorçular türk hərbçilərə hücum ediblər.
Trend-in "Haber 7" qəzetinə istinadən verdiyi məlumata görə, İŞİD terrorçularının hücumu nəticəsində 3 türk hərbçi ölüb, yaralıların sayı 11-ə çatıb.
X X X
09:57
Türkiyə Silahlı Qüvvələrinin Suriyada apardığı "Fərat qalxanı" əməliyyatının 120-ci günündə türk hərbçilərə hücum edilib.
Trend-in "Hürriyyət" qəzetinə istinadən verdiyi məlumata görə, terrorçuların hücumu zamanı 4 türk hərbçi, həmçinin "Azad Suriya Ordusu"nun bir üzvü yüngül xəsarət alıb.
Əməliyyat çərçivəsində Türkiyə Hava Qüvvələrinin qırıcıları Əl-Bab bölgəsində İŞİD terror qruplaşmasına məxsus 48 hədəfə zərbə endirib, 15 İŞİD-çi zərərsizləşdirilib.
Bundan başqa, Əl-Babın ələ keçirilməsi məqsədilə Bab-Hələb yolu tam nəzarətə götürülüb.