Bakı. Trend:
Türkiyənin İstanbul şəhərinin Bağçalıevlər rayonunda 3 mərtəbəli yaşayış binasında yanğın olub.
Trend-in "Hürriyyət" qəzetinə istinadən verdiyi məlumata görə, binanın birinci mərtəbəsində baş verən yanğın nəticəsində 2 nəfər ölüb.
Yanğının sobadan qaynaqlandığı bildirilir.
Bundan başqa, Türkiyənin Karaman rayonunun Ermenek rayonunda 2 mərtəbəli kərpic evdə yanğın baş verib. Yanğın zamanı evin tavanı çöküb. Övladlarını xilas etməyə çalışan ata və iki qızı dağıntılar altında qalaraq ölüb.
Yaxınlıqdakı 3 evə də keçən yanğın böyük çətinliklə söndürülüb.