Bakı. Trend:
Türkiyənin İstanbul şəhərindəki təhsil müəssisələrində tətil sabah da davam edəcək.
Trend-in məlumatına görə, İstanbul valisi Vasip Şahin qarlı-şaxtalı hava şəraiti ilə əlaqədar olaraq şəhərdəki bütün təhsil müəssisələrinin sabah da bağlı olacağını bildirib.
Qeyd edək ki, Türkiyədə, o cümlədən İstanbulda ötən həftənin cümə günündən qarlı-şaxtalı hava şəraiti müşahidə olunur. Şəhərin Çatalca rayonunda yağan qarın qalınlığı 122 sm-ə çatıb.
Əlverişsiz hava şəraiti ilə əlaqədar olaraq İstanbulda bərə nəqliyyatı, aviareyslər təxirə salınıb.
Sinoptiklər əlverişsiz hava şəraitinin hələ davam edəcəyini bildirirlər.