Bakı. Trend:
Tailandın cənubunda Surat Thani vilayətində məktəb avtobusu aşıb.
Trend-in RİA Novosti-yə istinadən verdiyi məlumata görə, qəza nəticəsində 17 yaşlı yuxarı sinif şagirdi ölüb, təqribən 30 məktəbli xəsarət alıb. Onlardan 5-nin vəziyyətinin ağır olduğu bildirilir.
Yaralılar xəstəxanaya çatdırılıb.
Polis sürücünü avtobusu ehtiyatsız idarə etməkdə ittiham edir.