Bakı. Trend:
Rumıniyanın keçmiş Prezidenti Trayan Besesku Moldova Prezidenti İqor Dodonu məhkəməyə verib.
Trend-in məlumatına görə, buna səbəb T.Beseskunun Moldova vətəndaşlığından çıxarılması qərarı olub.
Qeyd edək ki, ötən ilin iyununda Moldovanın keçmiş Prezidenti Nikolay Timofti T.Beseskunu Moldova vətəndaşlığına qəbul etmişdi. İndiki Prezident İ.Dodon isə bu il yanvarın 3-də həmin qərarı ləğv edib.