Bakı. Trend:
Ölkə iqtisadiyyatına xeyir verməyən zəif banklar böyük banklarla birləşməlidir.
Trend-in məlumatına görə, bunu Qazaxıstan Prezidenti Nursultan Nazarbayev hökumətin geniş iclasında bəyan edib.
Dövlət başçısı qeyd edib ki, ölkədə cəmi 4 bank aktivlərin 80 faizinə sahibdir:
"Əgər banklarını saxlamaq istəyirlərsə, qoy birləşsinlər və ya səhmdarlar öz pullarını (nizamnamə kapitalına - red.) sərf etsinlər. Bankları saxlamağın başqa yolu yoxdur. İqtisadiyyatın onlara ehtiyacı yoxdur".