Bakı. Trend:
Türkiyənin Suriya ilə sərhədindəki Hatay vilayətində Suriya Hərbi-Hava Qüvvələrinə aid hərbi təyyarə qəzaya uğrayıb.
Trend-in Anadolu-ya istinadən veridiyi məlumata əsasən, Türkiyənin baş naziri Binəli Yıldırım Yaylacıq rayonuna Suriya HHQ-nin təyyarəsinin düşməsi barədə məlumatların olduğunu deyib: "Hazırda hadisə yerində olan hərbiçilər axtarış əməliyyatlarında iştirak edir. Təyyarənin Türkiyə və ya Suriya ərazisinə düşdüyü dəqiq deyil".
Təyyarənin pilotu katapult vasitəsilə xilas olub və Türkiyyə ərazisinə enib.