Bakı. Trend:
Yunanıstanın Afina şəhərinin Kamatero rayonunda, "My Market" maqazinində polis ilə soyğunçu arasında atışma olub.
Trend-in "RİA Novosti"yə istinadən verdiyi məlumata görə, insident soyğunçunun ağır yaralanması ilə başa çatıb.
Atəş açan şəxs, ilkin məlumatlara görə, 40 yaşlı yunan olub. O, ağır vəziyyətdə xəstəxanaya yerləşdirilib.
Hadisənin araşdırılması ilə təhlükəsizlik xidməti məşğul olur.