Bakı. Trend:
Minskdən Sankt-Peterburqa uçan Belarusiyaya məxsus Belavia aviaşirkətinin təyyarəsi quş dəstəsi ilə toqquşduqdan sonra Minsk hava limanına geri dönüb.
Trend-in "RİA Novosti"yə istinadən verdiyi məlumata görə, insident bazar günü axşam saatlarında baş verib. Yerli KİV-lərin məlumatına görə, quşlardan biri təyyarənin mühərrikinə girib.
"Milli hava limanına qayıtmaq barədə qərar qəbul olundu", - aviaşirkətdə bildiriblər.
Hadisə nəticəsində xəsarət alan olmayıb.