Bakı. Trend:
Pakistan Əfqanıstanla sərhədin ayrı-ayrı hissələrində hasarların tikintisinə başlayıb.
Trend-in məlumatına görə, bu barədə qərar hələ ötən ay – Pakistanda ard-arda baş vermiş terror aktları ilə əlaqədar qəbul edilib.
Bundan əvvəl də Pakistan-Əfqanıstan sərhədinin möhkəmləndirilməsi nəzərdə tutulsa da, bu plan hər dəfə təxirə salınıb.
Qeyd edək ki, fevral ayında Pakistanda baş vermiş silahlı hücumlar səbəbindən sərhəd martın 20-dək bağlı olub.