Bakı. Trend:
Bu gündən Gürcüstan vətəndaşları Avropa ölklərinə vizasız səfər edə biləcəklər.
Trend-in məlumatına görə, Avropa Parlamenti bu il fevralın 2-də Brüsseldə keçirilən iclasında Gürcüstan vətəndaşları üçün viza rejiminin ("Şengen" vizası) ləğv olunması barədə qərar qəbul edib.
Qeyd edək ki, bu gün ilk vizasız səfəri Gürcüstanın baş naziri Giorqi Kvirikaşvili jurnalistlər və hökumət nümayəndələrinin müşayiəti ilə həyata keçirib. O, Tbilisi aeroportundan Afinaya uçub.