Bakı. Trend:
Rusiyanın baş naziri Dmitriy Medvedyev kənd təsərrüfatı naziri Aleksandr Tkaçyovu hökumətin iclasına gecikdiyi üçün danlıyıb. Trend-in məlumatına görə, baş nazir Tkaçyova gecikməsini irad tutaraq bildirib ki, hökumətin iclaslarına gecikmək olmaz.
D.Medvedyev iclası bu sözlərlə açıb: "Biz sizi gözləyirdik. Dünən mən səfərdən gec saatlarda qayıtmışam, amma bu gün yerimdəyəm, sizi isə gözləməli olmuşuq. Zəngli saatdan istifadə edin".