Bakı. Trend:
ABŞ-ın Suriyada bazaya raket zərbəsi endirməsi danışıqlar prosesinə zərər verib. Trend-in məlumatına görə, bunu İran Prezidenti Həsən Ruhani deyib.
H.Ruhani qeyd edib ki, Suriyada böhran yalnız siyasi yolla həll oluna bilər:
"Suriya ilə bağlı yekun qərar siyasi yolla mümkündür. Biz hesab edirik ki, danışıqlar yaxşıya doğru irəliləməlidir ki, Suriya böhranının yekun həllinə yaxınlaşa bilək. Lakin ABŞ-ın hərəkəti danışıqlar prosesinə zərər verdi".
ABŞ Prezidenti Donald Trampın Suriyaya zərbə endirmək barədə qərarını da pisləyən İranın dövlət başçısı bildirib ki, təkrar bombardman regionda vəziyyəti daha da çətinləşdirəcək.