Bakı. Trend:
Yaponiyanın Xarici İşlər Nazirliyi Çinin Tokiodakı səfirinə etiraz notası təqdim edib.
Trend-in məlumatına görə, etiraz Çin gəmilərinin iki ölkə arasında mübahisəli ərazi hesab olunan Senkaku adalarına yaxınlaşması ilə əlaqədardır.
Məlumatda qeyd olunur ki, Çin sahil mühafizə xidmətinə məxsus 4 gəmi adalara yaxınlaşıb. Bu, təkcə 2017-ci ildə 10-cu belə hadisə olub.
Qeyd edək ki, Senkaku adaları 19-cu əsrdən bəri Çin və Yaponiya arasında mübahisəli əraziyə çevrilib.