Bakı. Trend:
Nyu-Yorkda Con Kennedi adına beynəlxalq hava limanının xidməti binasında qumbara aşkar olunması səbəbi ilə insanlar təxliyə edilib.
Trend-in "RİA Novosti"yə istinadən verdiyi məlumata görə, bütün əməkdaşlar binadan çıxarıldıqdan sonra hüquq-mühafizə orqanlarının əməkdaşları müəyyən ediblər ki, bu, təlim qumbarasıdır və o, hərbi təlimlərdə istifadə edilmək üçün aparılır.
İnsident hava limanının terminalının işinə təsir etməyib, hava limanı normal rejimdə fəaliyyət göstərir. Təxliyə edilən insanlar iş yerlərinə qayıdıblar.