Bakı. Trend:
Hindistanda hotellərin 50 faizə yaxınında spirtli içkilərin satışı qadağan edilib.
Trend-in məlumatına görə, Hindistan Ali Məhkəməsi avtomobil yollarının 500 metrədək yaxınlığında bu cür içkilərin satışını qadağan edən qərar qəbul edib.
Bu qərarın ölkədə 100 minə yaxın pərakəndə satışla məşğul olan mağazanın bağlanmasına səbəb olacağı proqnozlaşdırılır.
Bundan başqa, yerli sahibkarlar bu qərar nəticəsində avtomobil yolları yaxınlığında yerləşən hotellərin 70 faizinin bağlana biləcəyini deyir.