Bakı. Trend:
Yunanıstanın paytaxtı Afinanın mərkəzində Eurobankın şöbəsində partlayış baş verib.
Trend-in RİA Novosti-yə istinadən verdiyi məlumata görə, bu haqda Afina İnformasiya agentliyi xəbər verir.
Məlumata görə, təxminən saat 22:00 naməlum şəxs zougla.gr saytının xəbərlər redaksiyasına zəng edib və bildirib ki, Santaroza küçəsində Eurobankın ofisində 35 dəqiqə sonra partlayış baş verəcək.
Xəsarət alanlar barədə məlumat yoxdur. Polis rayonu bağlayıb.