Bakı. Trend:
Fransanın Ruan şəhərindən məktəb yeməkxanasında nahardan sonra 300-dən çox uşaq zəhərlənib.
Trend-in RİA Novosti-yə istinadən verdiyi məlumata görə, bu haqda Frans Press agentliyi xəbər verir.
Məlumata görə, şəhərin təxminən 50 tədris mərkəzinin - 41 məktəbin və 6 körpələr evinin - şagirdləri eydi qida kombinatından gətirilən yeməyi yedikdən sonra özlərini pis hiss ediblər.
Zəhərlənənlərin bir hissəsi uşaq xəstəxanalarına yerləşdiriliblər. Zəhərlənənlərin həyatına təhlükə yoxdur.