Bakı. Trend:
Əfqanıstanın Çaparxar rayonunda İŞİD terror qruplaşmasının üzvləri "Taliban" radikal hərəkatının üzvlərinin düşərgəsinə hücum ediblər.
Trend-in Anadolu agentliyinə istinadən verdiyi məlumata görə, hücum nəticəsində 21 "Taliban" üzvü, 7 İŞİD üzvü və 3 dinc sakin həlak olub, 5 nəfər isə yaralanıb.
Qeyd edək ki, 4 gün əvvəl İŞİD terror qruplaşması və "Taliban" radikal hərəkatının üzvləri arasında baş verən toqquşmalar nəticəsində, 76 "Taliban" üzvü və 15 İŞİD üzvü ölüb.