Bakı. Trend:
London şəhərinin meri Sadiq Xan bildirib ki, Emmanuel Makronun Fransa prezidenti postu uğrunda mübarizədə qələbə qazanacağına ümid edir.
Trend-in RİA Novosti-yə istinadən verdiyi məlumata görə, bu haqda Independent nəşri xəbər verib.
Qəzetə müsahibəsində Saqiq Xan deyib: "Mən səbirsizliklə Makronun Le Penin məhdud populizminə qalib gələcəyini gözləyirəm".
Xanın sözlərinə görə, daha aydın seçim təsəvvür etmək mümkün deyil, çünki Makron özündə müxtəliflik və plüralizmin bütün vacibliyini dərk edən, mütərəqqi avropalını təcəssüm etdirir.