Bakı. Rufiz Hafizoğlu - Trend:
Türkiyə-Gürcüstan yüksək səviyyəli strateji əməkdaşlıq Şurasının ikinci iclası çərçivəsində tərəflər iqtisadi əlaqələrin inkişafını müzakirə edəcək.
Bu barədə Trend-ə Türkiyənun İqtisadiyyat Nazirliyindən məlumat verilib.
Məlumatda qeyd olunur ki, Türkiyənin Baş naziri Binəli Yıldırım Gürcüstana ikigünlük səfər edəcək. Səfəri zamanı B.Yıldırım Gürcüstan prezidenti Georgi Marqvelaşvili və Gürcüstanda fəaliyyət göstərən türkiyəli iş adamları ilə görüşəcək.