İlk xəbər saat 10:27-də yayımlanıb
Bakı. Trend:
Ukrayna Daxili İşlər Nazirliyi Kiyevdə avtomobildə sürücünün ölümü ilə nəticələnmiş partlayışı terror hadisəsi kimi qiymətləndirib. Trend-in məlumatına görə, Ukrayna DİN yaydığı xəbərdə ölənin 1978-ci il təvəllüdlü hərbçi zabit olduğunu və partlayışın avtomobildəki partlayıcı qurğunun işə düşməsi nəticəsində baş verdiyini açıqlayıb.
X X X
Saat 11:11
Kiyevdə partlayış baş vermiş avtomobildə xəsarət alan sürücü ölüb. Trend-in məlumatına görə, bu barədə Kiyev Milli Polis İdarəsinin mətbuat xidməti xəbər verib.
X X X
Ukraynanın paytaxtında partlayış baş verib. Trend-in məlumatına görə, partlayış barədə xəbəri Kiyev Polis İdarəsinin mətbuat xidməti Oksana Blişik təsdiqləyib.
Məlumata görə, partlayış avtomobildə baş verib. Partlayış nəticəsində 1 nəfər xəsarət alıb.
Hadisə yerinə dərhal Fövqəladə Hallar Xidmətinin əməkdaşları cəlb olunub.
Partlayışın səbəbləri məlum deyil, araşdırma aparılır.