Azərbaycan, Bakı, 26 oktyabr /Trend/
Finiks (Arizona ştatı) şəhərində Sheraton otelinin elektrik şəbəkələrində yaranmış qısaqapanma səbəbindən və bununla nəticələnən yanğınla əlaqədar müştərilər təcili təxliyə ediliblər. Trend TASS agentliyinə istinadən bu barədə Fox 10 telekanalı xəbər verir.
Finiks şəhərinin yanğınsöndürmə departamentinin məlumatına görə, 100 nəfərdən artıq yanğınsöndürən alovla mübarizə aparır. Xəsarət alanlar barədə məlumat yoxdur.
Hadisə yerində yanğınsöndürmə hissələri və polis işləyir. Şahidlər bildiriblər ki, partlayışlara oxşayan səslər eşidilib.