Azərbaycan, Bakı, 14 fevral /Trend, müxbir İ.İsabalayeva/
Ümummilli lider Heydər Əliyevin anadan olmasının 90 illik yubileyi münasibətilə bu il ümumtəhsil və orta ixtisas təhsili müəssisələrinin şagird və tələbələri arasında gənc ifaçıların II Respublika müsabiqəsi keçiriləcək.
Təhsil Naziriyinin mətbuat xidmətindən cümə axşamı Trend-ə verilən məlumata görə, bununla bağlı təhsil naziri Misir Mərdanov əmr imzalayıb.
Müsabiqənin keçirilməsində məqsəd ümumtəhsil və orta ixtisas təhsili müəssisələrinin şagird və tələbələrinin musiqi sahəsindəki istedadlarını üzə çıxarmaq və inkişaf etdirməkdir.