Azərbaycan, Bakı, 22 fevral /Trend/
Fevral ayının 25-də "İçərişəhər" Dövlət Tarix-Memarlıq Qoruğu İdarəsi tərəfindən İçərişəhər, "Qız qalası" rəsm qalereyasında Xocalı faciəsinin 21-ci ildönümünə həsr olunmuş foto-art sərgi keçiriləcək.
İdarədən Trend-ə verilən məlumata görə, "Xocalıda sahibini itirənlər" adlanan foto-art sərgi faciə qurbanlarının tapılmış şəxsi əşyalarının bizə müraciətidir. Şəkillər tamaşaçıda əşyalarını itirənlərin nəinki cinsi, yaşı, dünyagörüşü, hətta onların arzu və istəkləri barədə də təsəvvür yaradır.