Bakı. Trend:
Fevralın 16-da Beynəlxalq Muğam Mərkəzində, Beynəlxalq Muğam Mərkəzinin “Aşıq musiqisi axşamları” adlı möhtəşəm layihəsinin növbəti konserti keçiriləcək.
Layihənin əsas məqsədi qədim Azərbaycan musiqi irsinin ictimaiyyətə geniş təbliğ etməkdir.
Beynəlxalq Muğam Mərkəzinin bu yeni layihəsi Azərbaycan Aşıqlar Birliyinin dəstəyi ilə keçirilir və yanvar ayindan may ayına qədər davam edəcək. İlk olaraq yanvarın 12-də layihə çərçivəsində “Koroğluya” qayıdaq” adlı konsert-tamaşa keçirilib.
“Ələsgərin saz-söz dünyası” adlı ikinci gecə isə XIX əsrin sonu XX əsrin əvvəllərində yaşamış Azərbaycanın məşhur saz-söz ustalarından biri olan aşıq Ələsgərin yaradıcılığına həsr olunub.
Layihə çərçivəsində “Zərif əllər,incə tellər” (7 mart), ”Aşıq Şəmşir şeiri” (28 mart), ”Yaddaşlardan silinməz Aşıq Ədalət” (12 aprel), və “Yeni səslər,qədim havalar” (16 may) adlı tədbirlər təqdim ediləcək.
Layihənin informasiya dəstəyini AZƏRTAC, Azərbaycan Televiziyasının “Mədəniyyət” Kanalı, Azərbaycan Radiosu və”Baku” jurnalı həyata keçirir.
Biletləri şəhərimizin kassalarından.”Asan xidmət” mərkəzlərindən və iticket.az (online) saytından əldə etmək olar.