...

Bakıdakı Dünya Kubokunda Azərbaycanı 3 qadın idmançı təmsil edəcək (FOTO)

Gündəm Materials 8 Fevral 2018 16:17 (UTC +04:00)
Azərbaycan Bakıda keçiriləcək idman gimnastikası üzrə FIG Dünya Kubokunda qadınlar arasında 3 idmançı ilə təmsil olunacaq
Bakıdakı Dünya Kubokunda Azərbaycanı 3 qadın idmançı təmsil edəcək (FOTO)

Bakı. Ənvər Məmmədov - Trend:

Azərbaycan Bakıda keçiriləcək idman gimnastikası üzrə FIG Dünya Kubokunda qadınlar arasında 3 idmançı ilə təmsil olunacaq.

Bunu Trend-ə idman gimnastikası üzrə qadınlardan ibarət milli komandanın baş məşqçisi Nina Pravdina deyib.

Baş məşqçinin sözlərinə görə, turnirdə Azərbaycanı Yuliya İnşina, Marina Nekrasova və Mariya Smirnova təmsil edəcək.

N.Pravdina qeyd edib ki, hazırda komanda məşqləri davam etdirir: “Biz forma yığmaqda davam edirik. Bir qədər zədələr var, amma biz onları sağaldıb yarışlara optimal formada getmək istəyirik. M.Nekrasova yaxşı formadadır, o, dayaqla tullanma proqramını qəlizləşdirməyə çalışır. Y.İnşinanı belində ağrılar narahat edir. M.Smirnova da əməliyyatdan sonra məşqlərə təzə başlayıb. Amma fikirləşriəm ki, biz finallara çıxa və medallar uğrunda mübarizə apara biləcəyik”.

Növlərin idmançılar arasında bölüşdürülməsinə toxunan N.Pravdina bu məsələnin hələ müzakirə olunmadığını deyib: “Böyük ehtimalla, M.Nekrasova bütün 4 növdə iştirak edəcək. M.Smirnova müxtəlif hündürlüklü qollarda və yəqin ki, dayaqla tullanmada iştirak edəcək. Y.İnşina isə gimnastika tirində və yəqin ki, dayaqla tullanmada iştirak edəcək. Sərbəst hərəkətlər barədə hələlik fikirləşməmişik”.

Qeyd edək ki, 15-18 mart tarixlərində Bakı idman gimnastikası üzrə 3-cü FIG Dünya Kubokunu qəbul edəcək. Turnirdə 27 ölkədən 163 gimnast iştirak edəcək.

Məqalədə:
Xəbər lenti

Xəbər lenti