Bakı. Hüseyn Vəliyev - Trend:
“Xaliq Faiqoğlu” nəqliyyat şirkəti 85 nömrəli marşrut üzrə hərəkət edən avtobusları tamamilə yeniləyib.
Bu barədə Trend-ə şirkətdən məlumat verilib.
Məlumata əsasən, bu gündən başlayaraq marşrut xəttində “Anadolu İsuzu” şirkətinin istehsalı olan “Citibus” və “Citiport” markalı avtobuslar hərəkət edəcək:
“Yeni avtobuslar “DAEWOO BS 090” markalı avtobusları əvəz edəcək. Bu avtobuslar kondisionerlə təchiz olunub və Avro 5 standartına cavab verir. Hazırda bu standarta cavab verən avtobuslar 18, 61, 65 və 85 nömrəli marşrutlarda istifadə olunur. “Citiport” markalı avtobuslarda pulsuz “Wi-Fi” xidməti fəaliyyət göstərir”.
Xatırladaq ki, bir müddət əvvəl şirkət 70 yeni avtobus alacağını məlumat vermişdi.