Bakı. Mətanət Nəsibova - Trend:
İlin sonunadək Çində Azərbaycanın ikinci Şərab Evi açılacaq.
Trend-in məlumatına görə, bunu Azərbaycanda İxracın və İnvestisiyaların Təşviqi Fondunun (AZPROMO) prezidenti vəzifələrini icra edən Yusif Abdullayev deyib.
Y.Abdullayev bildirib ki, açılış noyabrın 7-də Şanxay şəhərində baş tutacaq:
“Biz Çin istiqamətində fəal işləyirik və bu il Azərbaycan məhsullarının bu ölkəyə ixracını artırmağı planlaşdırırıq”.
Fond rəhbəri bildirib ki, ötən il Azərbaycan şərabının ümumi ixrac həcmi 6 milyon dollara bərabər olub.