Bakı. Samir Əli - Trend:
Bakıda yeniyetmə qətl törədib.
Trend-in məlumatına görə, hadisə paytaxtın Nizami rayonu, Keşlə qəsəbəsi, N.Abdullayev küçəsi 4/43 ünvanında baş verib.
Həmin ünvanda yaşayan Bərdə rayon sakini, 1974-cü il təvəllüdlü Əhmədov Əhəd Əhməd oğluna şəxsi münasibətlər zəminində qonşusu, 2003-cü il təvəllüdlü Bayramov Elvin Nurəddin oğlu kəsici-deşici alətlərlə çoxsaylı xəsarətlər yetirib.
Yaralı xəstəxanaya çatdırılsa da, həyatını xilas etmək mümkün olmayıb. Ə.Əhmədov xəstəxanada dünyasını dəyişib.
Faktla bağlı Nizami rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.