Bakı. Elçin Mehdiyev – Trend:
Milli Məclisin deputatı, Mətbuat Şurasının sədri Əflatun Amaşov parlamentin bu gün keçirilən plenar iclasında iki təklif irəli sürüb.
Trend-in məlumatına görə, Ə.Amaşov “Mətbuat Şurası haqqında" və “Onlayn media haqqında” qanun layihələrinin hazırlanmasına ehtiyac olduğunu bildirib.
O qeyd edib ki, bu təkliflər bir neçə dəfə səsləndirilib: "Təkliflərin nəzərə alınması müsbət addım olardı".
Deputat Fazil Mustafa da onlayn media ilə bağlı yeni qanun layihəsinin hazırlanmasını təklif edib. Deputat bunu indiki mövcud situasiya ilə əlaqələndirib:
“Hesab edirəm ki, buna indiki dövrdə ehtiyac var və qanun layihəsinin hazırlanması sürətləndirilməlidir”.