Bakı. Trend:
İsveçin hakim Sosial Demokrat İşçi Partiyasının qırmızı-yaşıl bloku (Sosial Demokrat İşçi Partiyası, Sol Partiya və Ətraf Mühitin Mühafizəsi Partiyası) Mərkəz Partiyası ilə birgə İsveçdə keçirilən parlament seçkilərində cüzi fərqlə öndədir.
Trend-in məlumatına görə, bu barədə "TV4" televiziya kanalının "exit poll" nətəcilərində göstərilib.
Məlumata əsasən, hakim blok 50,6 faiz, müxalifətin sağ-liberal alyansı (Mülayim Koalisiya Partiyası, "Liberallar", Xristian Demokrat Partiyası, "İsveç Demokratları") 48 faiz səs toplayıb.
SVT telekanalının "exit-poll" nəticələrinə görə, hakim blok 49,8 faiz, müxalifətin sağ-liberal alyansı isə 49,2 faiz səs toplayıb.