Bakı. Trend:
Ötən gün axşam Tehranın şimalındakı "Evin" həbsxanasında məhbuslar arasında dava nəticəsində baş verən yanğın söndürülüb.
Trend-in "İRNA"ya istinadən verdiyi məlumata görə, dünən gecə məhbuslar arasında baş verən münaqişələr həbsxana paltarları anbarının yandırılmasına səbəb olub. Hüquq-mühafizə orqanları dərhal həbsxanaya nəzarəti təmin edib, yanğınsöndürənlər yanğını söndürüblər.
Tehran prokuroru Əli Salehi həbsxanada sakit mühitin olduğunu bildirib. “Evin" həbsxanasındakı münaqişənin son iğtişaşlarla heç bir əlaqəsi yoxdur", - deyə o qeyd edib.
Onun sözlərinə görə, son iğtişaşlarla bağlı saxlanılanların olduğu kamera ayrılıb və yanğın baş verən quldurların kamerasından xeyli aralıda yerləşir.