Azərbaycan,Bakı Trend , müxbir K.Zərbalıyeva/ Bakının Qaradağ rayonundakı mənzillərin birində dünən gecə saatlarında partlayış baş verib. Daxili İşlər nazirliyinin mətbuat xidmətindən cümə günü Trend ə bildirilib ki, dekabrın 7-də saat 01.35 radələrində, Qaradağ rayonunun Sahil qəsəbəsində Tahir Mehdiyevin evində təbii qazın sızmasından yanğına keçən partlayış olub. Hadisə zamanı Mehdiyev və arvadı Vüsalə, azyaşlı uşaqları Tahir və Əkrəm yanıq xəsarətləri ilə xəstəxanaya yerləşdiriliblər. Faktla bağlı araşdırma aparılır.