Azərbaycan, Bakı, 11 dekabr / Trend /
Ötən gecə İranın paytaxtı Tehranın Moləvi xiyabanında yerləşən "Dərvişlər" evində özünü partlatmaq istəyən kamikadze polis tərəfindən zərərsizləşdirilib. Bu barədə Trend İranın FARS xəbər agentliyinə istinadən məlumat yayıb.
Məlumata əsasən, 50 yaşında bir kişi üstünə əl qumbarası və dinamit bağlayaraq Moləvi xiyabanında yerləşən "Dərviş"lər evinə gəlib və oranı partlatmaq istəyib. Polisin müdaxiləsi ilə kamikadze zərərsizləşdirilib, lakin polisin müdaxiləsi zamanı o bir neçə səs qumbarasını partlada bilib. Tehran şəhər polis komandiri Əzizullah Rəcəbzadə əməliyyata rəhbərlik edib.