Azərbaycan, Bakı, 14 yanvar / Trend , müxbir K.Zərbalıyeva/
Cümə axşamı Bakının Nizami rayonu ərazisindəki Neft Emalı Zavodunda (NEZ) yanğın baş verib. Azərbaycan Fövqəladə Hallar Nazirliyinin saytının məlumatına görə, NEZ-də rezervuarda olan 300 kubmetr həcmində mazut qalıqları alışıb.
Yanğının yaxınlıqdakı sex və rezervuarlara yayılmaması üçün vaxtında qarşısı alınıb. Yanğın Bakı vaxtı ilə saat 11:58-də söndürülüb.
İlkin versiyalara görə, yanğın qaynaq işləri zamanı təhlükəsizlik qaydalarının pozulması nəticəsində baş verib.