Azərbaycan, Bakı, 11 mart / Trend , müxbir K.Zərbalıyeva/
Azərbaycanda Mingəçevir su anbarında iki nəfər itkin düşüb.
Fövqəladə Hallar Nazirliyinin internet saytının məlumatına görə, Daxili İşlər Nazirliyinin Samux rayon Polis Şöbəsindən daxil olmuş məlumata əsasən, Samux rayon sakinləri 1966-cı il təvəllüdlü Asif Yaqub oğlu Əhmədov və 1972-ci il təvəllüdlü Rəfail Kamal oğlu Vəliyev Mingəçevir su anbarında balıq tutmaq məqsədi ilə evdən çıxıb və bir daha geri qayıtmayıblar.
Daxil olmuş müraciət əsasında martın 11-də Fövqəladə Hallar Nazirliyinin əməkdaşları qeyd olunan su hövzəsində batdıqları ehtimal olunan şəxslərin axtarışlarına cəlb olunublar.