Azərbaycan, Bakı, 4 may /Trend, müxbir M.Əliyev/
Azərbaycanda Bakı-Sumqayıt magistralında çərşənbə axşamı saat 15:00 radələrində yük avtomobili ilə sərnişin avtobusu toqquşub. Bu barədə hadisənin şahidləri Trend-ə məlumat veriblər.
Yol qəzası nəticəsində avtobusun bir sərnişini yüngül xəsarət alıb və hadisə yerini tərk edib. Avtobus sürücüsünü içkili olub-olmasını yoxlamaq üçün Ceyranbatan postuna aparıblar.
Baş Dövlət Yol Poilsi İdarəsinin ictimaiyyətlə əlaqələr bölməsinin rəisi Kamran Əliyev məlumatı təsdiqləyib və bildirib ki, hazırda hadisənin başvermə səbəbləri öyrənilir.